Á topp heimsins á 58 sek......

þá er fyrsti dagurinn í Toronto að kveldi kominn.  Búið að vera ansi heitt og rakt en samt langt frá því að vera óbærilegt (hef Róm til samanburðar).  Vorum komin hingað á hótelið um 9 að staðartíma í gærkveldi en þá er klukkan orðin eitt eftir miðnætti heima.  Sumir voru orðnir ansi framlágir en var samt druslað út til að borða.  Fórum svo að sofa um 3 að okkur tíma og vöknuðum hress í morgun og til í tuskið.  Borðuðum morgunmat á hótelinu og fengum þá stærstu matarskammta sem við höfum séð, amk. í langan tíma.  Fórum svo í rútuferðu um borgina og erum mjög hrifinn.  Skemmtileg borg sem er hrein og snyrtileg og rólegheit yfir öllu miðað við margar aðrar borgir sem við höfum komið í.  Skelltum okkur svo upp í CN turninn sem var lengi hæsta mannvirki í heimi.  Þar var hægt að leggjast á glergólf og horfa beint niður.  Ekki spennandi fyrir lofthrædda auk þess sem marraði í glerinu þegar stigið var á það.  Þarf ekki að taka fram að útsýnið þarna uppi er stórfenglegt en samt heldur mikið mystur til að útsýni næði langt.  Svo var bara chillað, kíkt í risa verslunarmiðstöð, Eaton center og borðað og verslað pínu pons, bara pínu pons, ítreka það.  Vorum svo að koma heim eftir kvöldmat í Kínahverfinu og skemmtilega kvöldgöngu gegnum miðborgina þar sem verið var að kenna og sýna Tangó.  Reyndum eins og við gátum að fá Iðunni til að vera með en hún harðneitaði.  Á morgun er svo kennsla í diskódansi og við ætlum sko ekki að missa af því.  Sjá hvort við, gamla settið, höfum gleymt einhverju.........hihi.

Á morgun er spáð rigningu svo við högum bara seglum eftir vindi.  Nokkrir staðir sem okkur langar að kíkja á en kemur bara í ljós hvernig veðurguðirnir fara með okkur.

Sendum knús til litlu frænkunnar á Ísafirði, sem fæddist í gær og svo til afa Adda og allra hinna sem eru hálf krambúleraðir.

Lentum í vandræðum með símana okkar og rafmagnið hérna.  Enduðum á að setja símakortið hans Brynjars í símann hennar Iðunnar þar sem hún var með eina hleðslutækið sem virkaði.  Nú er verið að tygja sig í háttinn í vel loftkældu herbergi með yndislegum rúmum.......

Vissuð þið að kínverska er annað mest talaða tungumálið í Toronto?  Hélt alltaf að það hlyti að vera franska........

kv. Maja og co.

Athugasemdir

[Doddi - Þorsteinn G. Jónsson (IP-tala skráð) 10.6.2008 kl. 12:48]

Æðislegt að heyra af ykkur þarna úti. Símana og rafmagnið ... þetta þarf maður alltaf að undirbúa fyrir svona brottfarir. Ég gerði það svo vel, þegar ég fór til US 2006-2007. Þá keypti ég hleðslutæki og snúrur ... og viti menn... þessu gleymdi ég svo heima ... rétt fyrir brottför ... !

Hmm... svo Iðunn vildi ekki læra tangó? ...  spurningin um diskóið - en Ari/Iðunn... ef annaðhvort ykkar les þetta: PLÍS TAKIÐ MYNDIR AF FORELDRUM YKKAR Í DISKÓDANSI!!!!

Bestu kveðjur út til ykkar

(ps. ertu ekki örugglega með listann??? )